【股市脈搏】倘德翔海運高位調整留意呢個位

【Now財經台】貨櫃航運公司德翔海運(02510)喺資金追捧及大行唱好下，股價持續企喺高位，今早(13日)輕微低開後，好快就倒升，最多升近7%，高見5.27元，收市報5.2元，升5.2%。

公司上市僅逾4個月，周一(10日)已晉身港股通「新貴」，近日成交亦明顯增加，股價昨日(12日)更創5.47元上市新高，較招股價4.18元，累升近31% 。

雖然德翔成為港股通新貴後，股價出現明顯波動，但暫時仍然冇蟹貨，後市要留意一旦喺高位出現調整，就要睇實10天線，即4.8元水平守唔守得住。