【股市脈搏】草姬上市唔夠3個月大走樣

【Now財經台】上市唔夠3個月嘅草姬集團(02593)昨晚(10日)發盈警，預期去年少賺逾67%，股價今朝(11日)創咗上市新低1.83元，跌2.6%，最終以接近全日低位市，報1.85元，跌1.5%。

公司話，受期內有一筆1900萬元嘅上市開支影響，盈警都有提及主業表現，指批發業務銷售下跌，拖低總收入及毛利率，但冇提及具體跌幅。

草姬去年12月中上市，首份全年業績已經走樣，集團以3.75元上市，股價唔使1個月已跌到2元樓下，熱潮已過兼業績走樣，恐怕股價都幾難有起色。