【Now財經台】獅騰控股(02562)今日(6日)一升到尾，午後升幅進一步擴大，尾市不斷上試高位，最終以近全日高位收市，報30.6元，勁升30%，成交股數較過去100日同時段平均增2倍。
人工智能(AI)概念炙手可熱，獅騰亦趁勢推出名為Geene的AI多模態大模型，話可以幫到用家慳到60%運算成本。
獅騰去年10月上市，係本港「De-Spac第一股」，主要戰略股東包括阿里巴巴(09988)、香港電訊(06823)等，股價近日喺20元水平橫行，今日借AI發展炒上，仲要價量齊升，暫時先睇30元企唔企得穩，後市表現就要繼續留意AI熱潮嘅發展。
