【Now財經台】兆科眼科(06622)股價今日(5日)最多升20%，高見2.16元，升上去年2月初以來高位，收市報2.09元，仍大升近17%，成交亦急增。
公司上市4年仲未「甩B」，近年股價慘變蚊股，現價較招股價16.8元，已「深潛」近90%，雖然集團近年業績有轉好跡象，但股價始終冇反應，仲反覆尋底。不過，公司財務狀況理想，截至2024年6月底止，手頭淨現金約10億元，同最新市值約11億元差唔多，反映估值被低估，可能因為咁，吸引追落後資金入場，成為今日大升嘅主因之一，亦唔排後續有其他消息公布。
兆科眼科股價已經打咗底成年，上方阻力可留意2.4元，即100周線水平。
