【Now財經台】近兩個星期市場出現調整，特别係美股，加上受美國關税政策影響，似乎整個投資市場規避風險(risk-off)情緖高漲，風險胃納(Risk Appetite)正在減退？
「股市漁夫」創辦人莊志雄指，要判斷市場係咪risk-off，最主要睇資産價格表現，當中分為兩大類，一類係避險類資産，例如美債，另一類就係風險資産，例如股票。如果市場擔心環球經濟衰退，通常避險類資産，例如美債會做好。今次明顯見過去兩星期美債，特别係長期債交易所買賣基金(ETF)升幅較大。
Lewis又指，長期資産例如科技股，以往被視為優質資産，但今次反而跌得最多。雖然市場預料聯儲局今年減息空間由年初預計1至2次，變成接近3次，理論上有利風險資産，但仍都無阻科技股跌勢。
至於另一避險資産黄金之前做好，但今次都有輕微跌幅。
整體而言，佢認為目前市場可以話係risk-off狀態。
