【Now財經台】美國聯儲局關注嘅通脹指標，1月核心個人消費支出(PCE)物價指數符預期，市場加大對聯儲局6月恢復減息嘅押注，美國10年期國債息一度跌穿4.2厘水平，美債息回落，除咗普遍嘅房地產投資信託基金(REITs)外，本港嘅商業信託又會唔會受惠？
獨立市場策略師何啟聰指，香港嘅商業信託只有3隻，分別係香港電訊(06823)、電能實業(00006)及朗廷(01270)，而最受資金追捧係香港電訊，因為集團收益比較穩定，業務未來亦可受惠於人工智能(AI)發展，由於電能始終好視乎本港經濟表現，朗廷就要靠旅遊業復甦，所以市場對電能及朗廷信心相對冇咁大。
佢又話，香港電訊穩定嘅收入令集團派息較穩定，喺低息時期會更受資金追捧。
