【Now財經台】金融壹賬通(06638)股價今日(28日)逆市急升，高開6.6%後，升幅不斷擴大，一度高見1.85元，勁升逾54%，暫時成交股數較過去100日平均大增逾60倍。
集團月初出現重大人事變動，董事長兼首席執行官沈崇鋒辭任，由陳當陽接任，2月至今，股價由0.7元炒上今日即市高位1.85元，已累升1.6倍。
壹賬通係中國平安(02318)旗下公司，業績近年開始有起色，去年中期開始扭虧，集團將會喺3月中派最新一份成績表，到時要留意雲業務結束後，喺新董事長帶領下係咪會有新策略公布，尤其會唔會加入更多人工智能(AI)元素。
技術走勢方面，壹賬通股價今日大升，已大幅拋離去年10月高位，雖然相對強弱指數(RSI)喺1日內，由69抽上80以上嘅極超買水平，今日成交量係上市以來最多，要留意除咗新人事外，公司係咪仲有未披露嘅重要消息。
