【Now財經台】匯量科技(01860)股價今早(27日)低開3.5%後，早市走勢反覆，但集團中午出發通告後，股價插水式下滑，一度瀉42%，低見5.32元，收市報5.68元，重挫38%，成交股數較過去100日平均增6倍。
喺全球經營廣告及營銷技術嘅匯量發通告，指公司受美國政府去年及今年引入嘅新法規影響，要出售旗下Mintegral業務，正跟潛在買家進行協商。
Mintegral業務去年貢獻公司整體收入近99%，如果賣走呢項業務嘅消息屬實，公司基本上就只剩返個殼，股價今日唔使「腰斬」已執身彩。
睇返技術走勢，黃金比率以成個升浪計，今日回調至0.236水平，即5元水平，雖然現階段呢單Deal仲未定立任何協議，但美國總統特朗普(Donald Trump)嘅政策風險唔係講笑，後市要留意守唔守得住5元關口。
