【Now財經台】由馬斯克(Elon Musk)領導嘅美國「政府效率部」(DOGE)頻頻有「動作」，成為全球焦點，不過，佢嘅「主業」Tesla銷售就冇咁順風順水，據《彭博》報道，根據歐洲汽車製造商協會數據顯示，Tesla上月喺歐洲嘅銷量大跌45%，但值得留意係，同期行業整體銷量升咗37%。
歐洲銷量急速下滑，Tesla股價好難有運行，股價昨晚(25日)大跌逾8%，險守302美元，已連跌第4個交易日，累跌約16%，市值蒸發咗逾1800億美元，最新縮至逾9700億美元。
《彭博》行業研究高級分析師Steve Man話，呢間電動車巨頭正面臨競爭。
