【Now財經台】市傳美國總統特朗普(Donald Trump)警告，將會向藥廠徵稅，藥明系股價今日(24日)大跌，加上藥明系喺美國有合作伙伴，一旦特朗普要美國企業減少同中國公司嘅聯繫，會唔會影響藥明系同美國伙伴關係？業績方面，野村上調藥明生物(02269)今年盈利預測，但上半年集團業績一般，收入只微升1%，股東應佔按年減少34%，點評估下月公布嘅業績？
紅蟻資本投資總監李澤銘指，特朗普嘅政策一定會有影響，美國訂立嘅法案係本來係為藥明系「度身訂造」，雖然仍未正式落實，但呢個陰霾會持續困擾藥明系，所以投資者做藥明系投資部署時必須小心。
Alan又預期，由於疫情期間對疫苗及藥物等需求大，谷起藥明系業績，但估計2023年下半年後嘅業績會陸續反映疫後情況，又估計今年業績唔會出現咁大落差，由於預期市場對藥明系睇法分歧，股價短期會有調整壓力。
