【Now財經台】理士國際(00842)股價今日(13日)高開近13%，升幅一度擴大至26%，高見2.06元，其後升幅收窄，暫時成交股數較過去100日平均大增57倍。
集團昨日(12日)收市後公布，建議分拆旗下一家全資附屬Leoch Energy去美國上市，會以實物分派方式進行，完成後附屬將會完全剝離公司，兩隻股份會喺港美平行上市，但分拆咩資產、規模及實物分派比例都仲係未知數。
睇返技術走勢，雖然理士股價今日衝高，但升唔穿兩年高位，即2.19元水平，今日裂口開出一支「大避雷針」，相對強弱指數(RSI)已升至極超買水平，技術走勢唔係咁靚，投資者或者等集團公布多啲財務資料，先至再做部署。
