【now.com財經】噚日上半場喺11點幾嗰一個鐘內偷注淡倉真係刺激，事關下半場指數發力再抽高上21800點樓上；話分兩頭，250週線本來喺線底出「射擊之星」，咁強嘅線位出粒咁嘅嘢，星期一隻恒指Call(29828)我喺星期二係咪掟錯咗?!
唔緊要，因為望返轉頭係完全無幫助的。噚日下半場見指數係咁高抽已經補咗嘅話，今日起身見ADR差10點到22,000點；又見恒指第二層熊證街貨21,900至21,999點重貨熊企住喺度，向上再走入22,000點樓上都仲有唔少街貨，唔通星期一寫嘅《22000點不是夢?!》今日真係夢想成真?!
無所謂，等緊你哋話比我知隻(29828)噚日成功收割或者仲Hold到今日等22,000點先至收割。
今朝恒指開市升100點，報21,958點，一如預期指數根本係向住22,000點樓上打上去，作戰室今日第一注好倉追出爬格仔，開市後10分鐘都唔夠已經有戰友開餬。
由於五分鐘至小時圖都已經無頂可度，所以呢幾日都係keep住用日線圖，借返上年9月、10月做過嘅高位嚟拉線，當10月10日嘅高位21622點都過埋之後，一借就要借到上10月8日嘅高位22,902點，望埋Slow STC(14.3)依家個位同上年10月做緊高位時嘅水平相約，明白點解今日見個牛熊街貨圖，熊證多嘅同時牛證都縮啦。
就嚟到10點，永遠都係順勢而行容易過捉轉角市，小時圖上依家見保歷加通道口有拓闊，比到條件Slow STC(14.3)行超買再超買，再追就真係要Lock。
係嘅，恒指Call(28607)，行使價25,125點，同現價有約14.11%，揀Call得一個原因，係佢無收回條款，8.89倍槓桿比貼牛低就係不被收回嘅「代價」，會預計指數喺22,000點打一陣攻防戰，所以回歸初心，五分鐘圖上見指數借到啲平均線企住偷步出可以，Slow STC(14.3)見觸底上而安全出亦都得。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
