【Now財經台】融眾金融(03963)今日(11日)上午冇乜成交，股價中午前曾輕微倒升，但午後突然「斷崖式」下跌，仲扛入港股跌幅榜第1位，股價一度低見0.335元，暴瀉逾66%，最後以接近全日低位收市，報0.35元，重挫65%，成交股數較過去100日平均激增43倍。
公司主要從事租賃及追收欠款業務，並連年錄得虧損，近幾年核數師都對業績有「保留」，基本上搵唔到買呢隻股份嘅理由。
值得留意係，公司喺去年底委任LFG投資(03938)執董廖子慧做獨立非執董，廖子慧喺企業融資方面有逾25年經驗，不過，但呢類冇消息、冇業績、冇技術嘅細價股，都係不宜沾手。
