【Now財經台】內地經濟仍未有明顯起色，唔少行業都要諗計求生，導致出現惡性競爭，即所謂「內捲」，茶飲業亦唔可以獨善其身。
據內地傳媒報道，茶飲龍頭之一嘅喜茶(HEYTEA)近排叫停門店加盟申請，公司之前喺內部發畀全體員工嘅電郵指，唔會參與行業嘅「數字遊戲」及「規模內捲」，又話呢啲係死胡同，唔係行業終點，茶飲業仲有好多路要走，強調唔會做低價內捲。
目前，喜茶除咗喺內地及香港有加盟店，日本、南韓、加拿大及澳洲等8個國家都有加盟店，總門店數目逾4000家。
港股嘅茶飲股今日(10日)個別發展。
奈雪的茶(02150)最新報1.31元，升1.5%。
茶百道(02555)最新報9.92元，跌0.3%。
