【Now財經台】恒生指數今日(7日)重上21000點，突破去年12月10日高位，暫時睇嚟「中美貿易戰2.0」似乎港股冇乜影響，雖然恒指冇破頂，但港股今輪升勢相比去年9月至10月期間，內地推出救市組合拳時出現嘅大升市，表現係咪更實淨？
勝利瑞柏基金管理合伙人暨投資總監陳建良相信，今輪升浪同去年嗰浸升浪唔同，今次唔係一個流動性風險(Liquidity Driven)嘅升浪，今次係市場擔心係咪有部分中資科技股及消費股嘅Fundamental真係變好，投資者介乎信同唔信之間。不過，由今年1月到依家，恒指未有一日係升得特別多，依家係技術性牛市，投資者唔使太心急去追。
KL又指，可以等港股回一回氣之後，再留意市況如何，因為市場都追求增長，唔能夠一味靠平，同埋靠啲錢衝入嚟，依家大家開始覺得中國喺人工智能(AI)方面有優勢，因此，市場會投資返非國企嘅私人企業，令A股及港股市況好轉，不過，指數未必會反映相關情況。
