【Now財經台】中國平安(02318)股價連日喺43至44元徘徊，資金追入平保好倉，5日合計，平保係資金流入最多個股，有3400萬資金坐貨，熱門CALL多數喺7月到期，價外24%至26%，行使價54至55元，槓桿6至7倍，條款係咪都算適中？
法興銀行證券上市產品銷售部董事周翰宏指，平保H股走勢跟得A股好貼，A股近期反覆向下，由於平保走勢相對落後，唔建議投資者揀進取嘅條款。
佢又指，雖然高行使價及較短身嘅CALL，以6月到期嘅條款為例，雖然槓桿高，但時間值損耗都大，相比之下，價外約20%，行使價約53元，7月中至7月底到期嘅條款，實際槓桿都有7倍，時間值損耗亦較溫和。
