【Now財經台】日清食品(01475)今日(5日)中午發咗盈警,預告去年少賺最多40%至1.95億元,2023年同期就賺3.3億元,即係少咗1.35億元,公司話,主要受最多1.4億元資產減值,導致一次性及非現金費用影響。
根據公司所講,似乎就同食品銷售冇乜關係,但都不妨量化下呢1.35億元,以某大型連鎖超市,1 pack有5包嘅港版出前一丁賣15蚊,即平均每包3蚊計,可以賣到約4500萬包丁麵。
至於日清股價喺盈警後都跌得唔算特別多,午後一度低見5.14元,跌3.2%,其後收復部分失地,最新報5.19元。