【Now財經台】中央出招推動中長期資金入市買A股，帶挈內險股昨日(23日)全線造好，其中，中國平安(02318)股價今朝(24日)再高開逾1%，市場上熱門平保CALL普遍喺2025年7月到期，槓桿6倍，但價外幅度就比較分化，價外15%至28%，想開CALL嘅投資者揀條款時有咩要留意？
星展香港環球金融市場上市產品策略師鍾宛婷指，昨日有部分好友即時食糊，亦有部分繼續坐貨，因為平保始終受國策扶持，政策將引導大型企業增加A股投資規模，如果政策能令A股及港股向上，內險可直接受惠，因為投資收益都係內險重要收入來源之一。
佢又建議，CALL輪投資者要留意年期，雖然近啲及較貼價嘅CALL，槓桿有機會較高，但年期去到今年2月，時間值損耗相對較大，除非想博超級短期反彈，但今次國策係睇中長線，所以較多投資者揀今年7月到期嘅CALL，時間值損耗相對較小。
