【Now財經台】金貓銀貓(01815)及中國白銀(00815)今日(20日)齊齊復牌，兩家公司聯合公布，指西藏勘查發現大型金礦潛力，同埋金貓銀貓擬改名「珠峰黃金」，集團本身係做金飾銷售業務，屬於偏向下游嘅業務，今次完成收購後，變身做上游採礦相關業務，轉型後係咪值得睇好？
《香港股票財技密碼》作者梁杰文指，市場認為，金貓銀貓今次收購金礦好似買中咗個寶藏，可以幫公司徹底轉型，不過，仍要留意潛在風險，雖然上下游產業有關連，但開採金礦同銷售係兩回事。
Mike又話，會對金貓銀貓嘅信心打咗少少折扣，雖然業務上多咗採礦，但性質上仍然同其他金礦股如紫金礦業(02899)、招金礦業(01818)差好遠，現階段亦計唔到數，因為集團提供唔到任何專家報告或資源數據，所以要等公司披露更多細節先可以再做判斷，睇下實際誤差有幾大。
