【股市脈搏】小心龍工現價已反映晒盈喜因素

【Now財經台】中國龍工(03339)發盈喜，預期全年多賺最多66%，龍工股價今朝(20日)大幅高開逾14%後，升幅一度擴大至逾18%，高見1.85元，暫時成交股數逾5000萬股，較過去100日同時段平均大增28倍，暫時成交金額約9000萬元。

集團話，淨利潤增加主要受惠於公司提質控本工作，同埋出口收入保持增長，而產品綜合毛利率按年都有得升。

股價走勢，龍工股價今日位係近年嘅大型上落通道頂部，值得留意係，相對強弱指數(RSI)已升至79，開出十字星，短期或已反映晒盈喜刺激作用。