【Now財經台】泉峰控股(02285)股價今日愈升愈有，午後一度大升16%，高見19.86元。集團昨日(17日)發盈喜，預期2024年轉賺最多1.2億美元，睇返集團去年上半年，收入僅增長10%，估計全年最多增長30%，而毛利率及經營效率都有改善，不過，集團預期，下半年純利將少過上半年，到底係咩原因？
王道資本及家族資產管理執行董事黃敏碩表示，主要係成本控制及營運開支有啲唔同，就算集團銷售唔錯，但盈利增長就不似預期，而產品毛利率甚至有可能下跌。
對於泉峰市佔率可唔可以升至第1位，佢認為，做「一哥」需要時間及市場認受性，估計要半年或以上先可以比較扎實，產品要領先及抛離同業，先對提升估值空間嘅推動力有較大幫助，但如果持續性未有推動力之下，尤其是去到機構投資者層面，放心程度始終唔大。
