【Now財經台】截至早上11時止，過去1小時內《彭博》用戶搜尋量最多港股，依次為新世界發展(00017)、美團(03690)、紫金礦業(02899)、友邦保險(01299)及萬科企業(02202)。
周大福創建(00659)擬發7.8億元可換股債券，息率4厘，消息刺激同系新世界股價一度大升逾11%，不過，今次融資金額唔算多，對新世界幫助唔大，集團有冇改善財政狀況嘅方法？
椽盛資本投資總監曾永堅指，雖然新世界股價今早(16日)顯著反彈，但升幅急速收窄。佢又認為，市場唔會對新世界有太大憧憬，因為公司現時面對唔少問題，包括內地及本港樓市前景唔樂觀，本身又有龐大債務問題、負債比率偏高，呢啲因素會持續困擾新世界股價。
Jaseper又話，睇返行業因素及公司債務狀況，新世界未來或需供股渡難關。
