【Now財經台】高盛上調小米集團(01810)目標價至38元，由於小米電動車銷售理想，股價持續強勢，但上周破位後，走勢轉弱，股價今日(15日)繼續受制10天線，一度跌不足1%，低見33.35元，多唔多人趁股價回調部署好倉？熱門CALL都係5月至6月到期，槓桿5倍至6倍，行使價36元至45元，價外10%至36%，如果到期日及槓桿都差唔多，貼啲會唔會更值博？
中銀國際證券衍生產品部董事朱紅指，小米會喺2025年市場焦點，可受惠於換機潮及內地刺激消費政策。集團電動車銷售整體理想，所以股價回落至近期低位，就有資金流入好倉博反彈。佢建議，投資者可以留意行使價45元，今年6月到期嘅條款，實際槓桿做到6倍。
