【Now財經台】Uniqlo母企迅銷(06288) 2025財年第1季度綜合收益按年增長逾10%，期內多賺逾22%。睇返各分部業務，日本及海外Uniqlo收益齊升，不過，大中華地區收益及溢利大跌，原因係咪如集團所講，商品配合唔到大中華地區暖冬需求，還是有其他原因？
紅蟻資本投資總監李澤銘認為，暖冬問題全球各地都有，唔止大中華地區，Uniqlo嘅產品種類多，即使喺冬天都買到夏天衫，所以公司嘅解釋唔成立。佢認為，內地消費市場主要鬥性價比及質量，消費者唔認為買同類嘅衫時，Uniqlo嘅產品值得畀較高價錢，加上內地有其他同Unilqo類似嘅品牌，所以內地競爭比以往激烈，先至係Uniqlo大中華地區收益下跌嘅原因。
Alan又指，迅銷嘅定位受惠唔到內地消費降級，但亦唔會明顯受到拖累，集團依家面對嘅最大問題始終喺市場競爭。
