【Now財經台】市傳小米集團(01810)喺南韓成立子公司，現時有約20名員工，小米股價昨日(6日)再創新高，高見36.85元，今日(7日)暫時要回套，後市繼續調整嘅機會係咪較大？還是趁強勢反手開好倉？
獨立股評人黃偉豪指，小米基本面一直唔錯，亦持續有唔同消息帶動股價，股價受惠於汽車、人工智能(AI)及補貼政策等而大升，但估值已開始貴，股價短期有調整空間，即使睇好小米後市，都唔建議現階段部署好倉，可以等股價回穩，確認唔再向下，再考慮相關輪證，暫時支持位睇10天線，即34元水平，如果跌唔穿呢個位，好大機會再試頂部。
