【Now財經台】截至早上11點，過去1小時內《彭博》用戶搜尋量最多港股，依次為小米集團(01810)、紫金礦業(02899)、商湯(00020)、高鑫零售(06808)及港鐵公司(00066)。
小米係今朝(3日)升幅最大嘅恒生指數及科技指數成分股，股價一度升穿36元，創新高。發改委今朝開記者會，宣布「以舊換新」政策會擴至手機等數碼產品，補貼個人消費者購買相關數碼產品，呢個消息係咪今日股價破頂嘅關鍵？
大華繼顯執行董事梁偉源指，小米近期有唔少消息，例如發展人工智能(AI)及機械人、電動車交付達標等，今朝發改委補貼消息一出，市場更加聚焦喺小米身上。
Steven續指，新數碼產品嘅功能有冇好大突破，以及補貼力度都會影響消費者換機意欲，若數碼產品會加入AI相關功能，而政府補貼金額又夠多，相信可以吸引消費者換機。
