【Now財經台】截至早上11時止，過去1小時內《彭博》用戶搜尋量最多港股，依次為聯想集團(00992)，小米集團(01810)、萬科企業(02202)、金山軟件(03888)、李寧(02331)。
聯想股價今日(27日)抽升，一度大升逾9%，高見10.58元，集團曾提及配備個人智能代理嘅人工智能電腦(AI PC)，第2季佔內地筆記型電腦總出貨量14%，滲透率唔算高，未來係咪仲有提升空間？
大華繼顯執行董事梁偉源指，投資者繼續積極追捧AI概念，雖然聯想今年出咗唔少AI電腦，但佔整體比例仍唔高，加上睇唔到AI相關功能可以帶嚟重大盈利貢獻，雖然外圍炒作AI已經一段時間，但內地仍有追落後嘅機會，如果明年希望用高盈利增長呢個概念吸引資金，AI相關股始終都係比較重要嘅板塊。
Steven又話，聯想有足夠能力將產品推向應用層面，加上集團提及會用火山引擎嘅AI功能，希望喺搜尋、寫作及聊天等層面協助AI發展，因此，預期聯想AI業務發展可以錄得高增長。
