【股市脈搏】途虎插穿回購價會唔會再出手？

【Now財經台】做汽車保養嘅途虎(09690)，股價今朝(27日)輕微高開後，好快就掉頭向下，仲愈跌愈多，一度低見17.46元，跌近7%，成交股數較過去100日同時段平均增1倍。

公司喺6月下旬話會回購10億元股份，以提升估值，但之後只係回購過1次，用咗2400萬元，每股買入價平均18元，途虎股價今日一度失守18元，要留意公司會唔會再出手回購。

睇返基本因素，途虎維持門店網絡及客量嘅開支唔細，但經營效率及毛利率係咪可以一直保持到，呢個係投資者需要關注嘅地方。