【Now財經台】建設銀行(00939)股價連升兩個交易日後，今早(27日)先升後跌，一度高見6.52元，但之後掉頭向下，建行下星期除淨，對輪價有冇影響？做部署時有咩要留意？
中信里昂股權衍生品銷售經理李佳原指，輪商早知除淨日期，亦已計入電腦模型，因此，除淨當日應該唔會因為呢個單一因素，對輪證開價有太大影響。
Sam續指，最近建行牛證嘅槓桿特別高，輪價就特別低，原因都係早已計及除淨因素，值得留意係，即使除淨後股價跌到收回價水平，牛證就會被收回，所以佢提醒，雖然牛證收回價同現價帳面上或有距離，但實際除淨都多，所以牛證冇想像中咁離價，佢建議，想買牛證嘅投資者要避一避，收回價唔好揀得太貼。
