【Now財經台】中國安儲能源(02399)股價今早(24日)裂口高開15%後，短短5分鐘內，股價已炒高40%，但其後升幅顯著收窄，成交股數較過去100日同時段平均大增17倍。
中國安儲能源昨日(23日)收市後公布，向兩名現有股東配售逾5900萬股新股，集資2980萬元用作營運資金，配售價0.5元，較昨日收市有1.5倍溢價，消息刺激股價今日大升。
不過，安儲能源股價今日衝高回落，仲開出1條好長嘅上影線，反映有資金趁股價彈高後離場，始終公司基本面差，連年錄得虧損，加上業務唔集中，現時喺沙特銷售工業產品，又賣男裝服飾及儲能電池，今次股東增持係咪可以扭轉現有儲能電池業務嘅虧損狀況，可能要睇下有冇後續消息跟尾。
