【Now財經台】截至早上11時止，過去1小時內《彭博》用戶搜尋量最多港股，依次為萬科企業(02202)、新世界發展(00017)、協鑫科技(03800)、商湯(00020)及領展房產基金(00823)。
據《彭博》報道，內地監管機構要求內地大型保險公司上報萬科債務敞口，以便評估萬科到底要獲得幾多支持，先可以避過違約一劫，萬科股價今早(19日)一度跌逾5%，到底萬科點樣先可以化解今次危機？
椽盛資本投資總監曾永堅指，如果萬科月度銷售能維持200億人仔以上，勉强可以應付短期債務，但唔足以解決萬科整體債務狀況。如果要靠自身現金流解決債務問題，就需要銷售逐步回復，但銷售又要視乎內地整體樓市情況，同埋內地準買家對萬科嘅信心。
Jaseper又話，最理想係政府出手支援萬科，才可扭轉萬科財務及銷售嘅惡性循環。
