【now.com財經】隔晚美聯儲一如預期減息1/4厘，呢個都唔係重點，往往重點係之後鮑爺aka份議息聲明UM，今次嗰份話出年減息步伐可能會減慢，搞到美股全線冧晒，其中道指跌過千點，亦都係10連跌。
連帶今朝港股都跌逾200點開市，指數一下季子壓到落到19610點位置，開市後向下碌多10點清咗19,600至19,699點嘅牛證街貨好少事啫，之後低開高走上，作戰室今日係好倉行先；但都唔敢太貪，皆因小時圖150線19,690點)同前日最後粒燭嘅低位19,700點相差不遠，大家都係睇住線位嚟做Trade。
未到10點前先睇咗隻中移(00941)先，繼續用返日線圖嘅小型「長方形」頂線作為下方量度線，今日股價受恒指下行影響，所以都有見跌嘅，但線還守住，只係要小心Slow STC914.3)兩線上到90以上嘅嚴重超買位，同埋暫時75.75元同今日暫見高位75.8元出咗爭一格嘅「平頂」。變相中移牛(58847)可以吼未穿線之前先食保正數。
10點後見指數於五分鐘圖有出「圓頂」走勢，頸線位比返19600點可以，同步於小時圖150縵確認成為阻力線，Slow STC(14.3)兩線亦見keep住%K線低走於%D線。換埋保歷加通道見整條通道向下中。
恒指熊(64571)，收回價揀到20,050點夠安全，同現價有約350點距離，槓桿有約41.8倍亦都夠Day Trade做，Lock住小時圖150線做上方量度線，所以就係試下等一等指數五分鐘圖Slow STC(14.3)會唔會浮高少少，令指數再次貼近多一次小時圖150線/19,700點，唔過先借呢個位出場；進取嘅五分鐘圖10線壓住指數就去囉~
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
