【now.com財經】噚日做完晒嘢之後，同我家老爺兩個去咗睇《爸爸》，描寫既是父子又是仇人嘅感情寫得好細膩，戲裡面亦都見到好幾位新晉演員，我最喜愛嘅就係「三花」，係案件嘅唯一證人，坐小巴同剪腳甲嘅時侯乖到呢...(感謝另一位新晉演員范巧前輩寄贈兩張飛)
恒指噚日操作真心簡單，全日低淡倉已經夠做。而噚日隻(63937)基本上都可以揸到下半場3點，見指數喺五分鐘圖高走10線之後，當係出觸底Swing向上不利淡倉而走人；說實話就係搵個位比自己收割啫。
都係用10分鐘時間走貨嘅話，期內高低位做過0.063元/0.062元，平均走貨價為0.0625元，呢一趟平均食16格或34.41%，點都夠嚟緊星期六冬至同屋企人食飯加餸啦掛。
如果Hold住隻(63937)到今日嘅話，依家9點48分見證價做到上0.07元以上，皆因指數向下入緊重牛區19,600至19,699點呢個範圍，買多份禮物比屋企人都仲可以。
去到10點見小時圖Slow STC(14.3)有出觸底，指數亦重上返100/150線樓上，但同時上方有10線向下落緊去，計過如果指數凍得滯唔郁，喺10/100線之間的話，區間位141點，難玩。
噚日喺【輪證下半Part】有講過將隻滙控(00005)換中移(00941)。如果有聽噚日電台邊目嘅話，應該都知比多半日時間中移就係等佢日線圖企唔企到「小型長方形」，今日見嚴格嚟講未算企得上，因為擺位都仲串住條「小型長方形」頂線，不過仍然博10天線有力守住隻中移出「超大圓底」。
中移牛(58847)，收回價68元，企到咁後皆因預一預呢一注可能同之前嘅滙控牛都係要守耐少少，有約12.1倍槓桿唔算失禮，成交活躍喺年尾都比較緊要。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
