【Now財經台】截至早上11時止，1小時內《彭博》用戶搜尋量最多港股，依次為新世界發展(00017)、新奧能源(02688)、建設銀行(00939)、中國海洋石油(00883)及中國移動(00941)。
中移動股價今日(16日)升至約兩個月高位，集團年初時話，要喺3年內將派息比率逐步提升至75%以上，中央早前話未來要實施「適度寬鬆」貨幣政策，港股走勢持續冇方向，喺呢啲市況下，中移動呢類高息股係咪可以受惠？
富昌證券聯席董事譚朗蔚指，當大市偏向利淡及市場睇得較審慎時，市場會將焦點由科技股，即ATMXJ轉移至「中特估」概念股，近期「中特估」嘅交易所買賣基金(ETF)、煤炭相關股及中資電訊股都抬頭，今日(16日)3大中資電訊股都開始有得升，主要係內地資本市場及銀行提供嘅利率都見底，唔少投資者都會喺股市搵高息選擇，包括「中特估」概念股嚟買。
佢又話，除咗3大中資電訊股，留意到中國神華(01088)及中煤能源(01898)開始發力，反映市場有不確定性及資金開始流入「中特估」概念股。
