【now.com財經】開始有凍天過聖誕嘅氣氛，我家肥貓都變咗靜電怪，一同佢親親就「啪」，嚇到我同佢都彈開。
指數今日微跌24點，不過擺位仍然低於20,000點，但今日喺作戰室同戰友度過，怕且今日都係撚條20,000點戰線。
5分鐘後10點，果然指數喺20,000點上下來回都唔知幾多次，剛好用住20,000點呢個作為中軸位畫咗個「長方形」出嚟，範圍大約係19,950至20,050點呢100點。玩住先啦，都年尾囉，唔好諗得太多。
至於睇文嘅如常用返小時圖，今朝指數開市擺位都低於50線，Slow STC(14.3)兩線仍見個超賣位數，而整條保歷加通道向下，Slow STC914.3)兩線見超賣再超賣中，換保歷加通道口有見作勢拓闊，但呢一刻(10點4分)都難以確定，皆因都少少擔心指數會受五分鐘圖嘅「長方形」嗰100點影響。
但如果疊加多一個牛熊證街貨圖，見下方牛證街貨多至咁，遠少少熊仔出定隻博20,000點先唔過向下殺牛唔好怪我。
恒指熊(63937)，收回價20,350點，同現價有約358點距離，槓桿有約47.6倍夠做Day Trade，有耐性嘅等指數會唔會反方向hit多次小時圖50線唔過再出可以；近嘅借五分鐘圖「長方形」底線以；最安全做法就係用Slow STC(14.3)博Swing啫。
至於隻滙控(00005)嘅滙豐牛(61423)，上個星期三(12月11日)以平均買入價0.042元落場並且Hold到依家，仍然借住日線圖0線作為下方量度線先，都係嗰句：有正數先收割可以嘅。
下個星期就聖誕，怕且最盡都係Hold埋呢個星期好啦；或者咬緊少少，未到日線10線之前，如果喺日線圖上見到啲高位十字星/射擊之星/長上影線等，即有轉勢向下嘅燭，咁就執定包伏走人啦(用小時圖都得架)。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
