【Now財經台】阿拉比卡咖啡期貨周二(10日)曾創紀錄新高，雖然昨日(11日)出現回套，但仍然係今年表現最好嘅商品之一，到底呢浸升浪可以持續幾耐？
獨立外匯商品分析師盧楚仁指，近期可可豆、咖啡豆價格因巴西乾旱而上升，但乾旱只係短暫性因素，所以唔排除咖啡豆價格短期有回套壓力。佢又話，要留意特朗普(Donald Trump)上任後會對巴西嘅關稅政策，因為美國商家、消費者或會喺佢上任前大手買入咖啡豆，都會利好近期價格表現。
Jasper續指，除非巴西乾旱情況好快過去，同埋特朗普唔向巴西徵收關稅，否則，阿拉比卡咖啡期貨有機會再作歷史新高。
