【Now財經台】截至早上11時止，過去1小時內《彭博》用戶搜尋量最多港股，依次為平安好醫生(01833)，毛戈平(01318)、建設銀行(00939)、蒙牛乳業(02319)、中國銀行(02388)。
平醫股價今日(12日)股價今日造好，早市一度大升17%，高見7.29元，已升穿上周五(6日)高位7.27元，但同11月15日宣布豪派特息時高位，即8.6元仲有一段距離，後市仲有幾多上升空間？
富途證券香港首席策略師陸秉鈞指，平醫股價近期走強，升勢亦有可能持續，雖然中國平安(02318)會唔會提全購仲有好大不確定性，但喺呢個時候突然派咁多錢，加上小股東仲可以喺股票同現金之間二選一，平保係有可能私有化平醫。
Alan又話，雖然平醫股價好似已自低位回升返好多，但其實當年上市價超過50元，就算扣埋特別息，平保仍有好大誘因私有化，加上佢本身唔缺錢，估計會透過派特息增持股權，但都要等明年1月底先有答案，平醫喺呢段時間係有機會炒上8.6元。
