【now.com財經】噚日見指數再表演多次高開低走，不過低走幅度比前日為低，所以索性去個股嗰邊試下搵唔搵到食，最後揀咗隻滙控(00005)出嚟，仲執定隻滙豐牛(61423)，Mark咗頂線位大約係74蚊左右，出好倉梗係博佢過線啦！
講明呢注係玩得耐嘅，所以比少少時間，以噚日Patreon出文時間為12點59分，如常的用10分鐘時間去睇文嘅話，即於1點9分再返個走勢圖，當時股價仍然處於74.5呢啲中間位水平，日線圖10線位真係未到，(61423)唯有小注硬去。
再三一次呢注係可以放耐少少，由於唔駛追即市，所以(61423)幾時出都無乜所謂，Even等日線圖10線踩住先出都可以。但本住符合出倉條件就去嘅宗旨，以噚日下午1點10分至收市前出(61423)，按期內高低位計過0.043元/0.041元計，平均買入價為0.042元。
依家10點24分，恒指仍然都係軻市位附近上落，而滙控股價一度高見74.85元，再創新高，目前見74.4元，仍然都係企住喺噚日畫嘅頂線位。
好啦，再睇返恒指啦，開咗市一個鐘，指日指算是比出一個上行方向出嚟，但行得有啲慢同埋拐拐下咁，目前指數喺五分鐘圖上力守10/50線。
但少少麻煩嘅係，換個小時圖上見指數雖然今日見慢上，但同步中軸線一樣都係慢上，擺到今日啲燭好似幾部纜車吊住喺中軸線咁，頭頂仲有條10線向下，作勢似等10線向下同中軸重疊變雙線阻力咁(因為依家Sow STC(14.3)兩線向下)。
作戰室好倉Hold緊用五分鐘圖條「上升通道」等緊見20500點，嗱，就算上到呢個位，都未掂到小時圖10線。反而喺呢度想等嘅話小時圖10線唔過兼有同中軸重疊變雙線阻力嘅話，恒指熊(63522)，收回價20630點，同現價有約415點距離，槓桿有約43倍都夠DT做。
過到線上去就梗係唔出啦，反手添呀，傻瓜！【輪證下半Part】再睇。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
