【Now財經台】「聖誕鐘買滙豐」呢支歌已經冇唱好耐，今年呢個「鐘」會唔會再響起？
自從大笨象換咗CEO後，市場焦點都落喺不斷傳出嘅裁員及點樣慳成本嘅消息，股價似乎冇乜人特別關注，其實同幾隻本地銀行股相比，滙控股價今年以暫時累升近17%跑出，中銀香港(02388)累升逾16%都跟得好貼，恒生銀行(00011)累升近6%，表現大落後嘅東亞銀行(00023)僅累升唔夠2%。
睇近少少，雖然過去1個月，滙控股價升唔夠2%，但整體走勢係向上，另外3隻本地銀行股都要跌，其中，中銀跌超過7%，反映滙控喺市況冇乜起色下，表現非常硬淨，話唔定今年「聖誕鐘買滙豐」有機會重臨。
