【Now財經台】根據TrendForce推算，2024年全球摺疊手機出貨量達1770萬部，按年增長11%，三星電子(Samsung Electronics)係摺機市場一哥，市佔率高達60%，其次係華為及小米集團(01810)。不過，另一家機構DSC就話，摺機面板付運量今年起出現疲態，更預期明年會錄得負增長，又指唔睇好明年摺機銷量，點解摺機一直冇辦法激發一個換機潮？
易方資本副基金經理王逸研指，摺機都有好多款，單係橫摺同直摺嘅製作成本及美感已經好唔同。佢認為，手機硬件嘅審美已經飽和，之前曾經試過升級喇叭及咪，之後又從鏡頭及屏幕解像度著手，即使硬件升級咗唔少，但消費者體感上都冇太大改變，而用嘅軟件都未必唔同咗，所以軟件未有大升級，正正一直冇出現換機潮嘅關鍵因素。
