【Now財經台】市場等緊石油輸出國組織及盟友(OPEC+)周四(5日)開會，估計產油國會押後原訂喺明年1月開始嘅增產行動，不過，推遲減產對油價冇乜支持，因為油價主要受內地需求疲弱拖累，內地最新出爐嘅經濟數據好轉，油價後市會點走？
獨立外匯商品分析師譚家康指，雖然內地經濟數據比之前好，但未見油價顯著反彈。此外，睇返11月亞洲市場嘅市佔率，沙特阿拉伯已超越俄羅斯，可能因為沙特更願意減價，反映產油國重視市佔率多過價格。
此外，美國候任總統特朗普(Donald Trump)政策傾向出產更多石油，呢啲因素都令市場睇淡油價，佢估計，油價短期會喺每桶70美元有阻力，但喺60至66美元有支持。
