【Now財經台】臨近消費旺季，加上明年1月尾就過年(農曆新年)，喺呢啲大時大節，對小市民嚟講，都希望政府「派下糖」等大家開心下，例如派消費券，甚至Cash，等大家可以開心消費，繼澳門早前宣布連續18年派錢後，輪到內地傳嚟好消息。
據內媒報道，為咗要激發場活力，谷消費信心，北京及上海等地近日再派消費券，其中，上海喺剛過去嘅周六(23日)已發放針對餐飲、電影、體育等唔同範疇嘅消費券，包括消費滿300人仔，就可以減90人仔等，採取「先到先得」方式，有分析話，派消費券谷消費有效過派錢，因為直接用喺消費，如果派錢可能會儲起唔用。
此外，澳門之前都宣布明年繼續派錢，人人有份，永久居民派10000澳門元，非永久居民都有6000澳門元。
