【Now財經台】人工智能(AI)晶片龍頭英偉達(Nvidia)季績勝預期，但股價持續波動，港股嘅晶片股如中芯國際(00981)、華虹半導體(01347)今朝(22日)都有啲郁動，2024年只淨返個幾月，展望明年，科技股會點走？
華晉證券資產管理投資總監馮宏遠指，Nvidia股價今年升得太多，所以臨近年底係時候埋單計數獲利。此外，由於納指走勢仍偏弱，投資者對高估值股份都有戒心，所以近排「科技7雄」(Magnificent 7)走勢都冇咁好。
Thomas續指，內地及本港散戶要留意，亞太區內晶片股技術同Nvidia冇得比，依家Nvidia已經講緊3納米製程，但中芯、華虹仲係10納米以上 ，所以外圍晶片股有得升，唔代表A股及港股相關股份會跟升。
佢續指，雖然日韓台喺技術上算跟得上Nvidia，但由於荷蘭光刻機龍頭ASML早前睇淡前景，拖累半導體股顯著走弱，由於短期內提升產能有難度，估計日韓歐科技股較難炒上，可能未來一至兩個季度都要先唞一唞。
