【Now財經台】人工智能(AI)晶片巨頭英偉達(Nvidia)季績勝預期，不過，市場更關注集團指Blackwell晶片未來幾季會供不應求。此外，Nvidia今季整體收入指引達375億美元，高過市場預期，但達唔到市場預期上限逾400億美元，加上特朗普(Donald Trump)聲稱明年再入主白宮後，將會大加關稅，限制半導體技術出口，呢啲政策對Nvidia前景有幾大影響？
光大財富證券策略師伍禮賢認為，特朗普嘅政策會對Nvidia有一定影響，但唔會喺短期內見到，以Nvidia現時嘅定單及市場需求，集團有空間選擇向個別客戶優先供貨，即使美國收緊技術出口政策，短期嘅影響亦唔會特別大，反而產量係更關鍵考慮，由於要與其他生產商合作生產Blackwell晶片，產量多少都唔係Nvidia直接控制。
不過，Kenny對Nvidia前景嘅睇法仍然正面，相信股價仍有上升空間，如果想博Nvidia股價再破頂，不妨等股價回落至約140美元水平再入場。
