【Now財經台】日本對美國出口已連續3個月萎縮，10月再跌逾6%至1.81萬億日圓，特朗普(Donald Trump)嘅關稅政策令各國「冇覺好瞓」，市場都預咗除中國之外，佢都會加其他國家關稅，到底特朗普正式上任後，包括日本在內各國出口會出現咩變化？
資深經濟分析師羅家聰表示指，美國及日本都係接近高端嘅生產國，出口嘅貨品亦類似，如果美國要買平價貨品，即使日圓匯價平咗，其他成本仍然係好高，所以美國基本上唔會喺日本入貨。
KC又話，如果日美爆發貿易戰，或對晶片進出口有影響，不過，美日始終係盟友，徵收10%關税對銀碼大嘅高端產品唔會有好大影響，因為美日雙方會各自承擔部分關税，雖然有成本效應，但仍然有得做。
