【Now財經台】海昌海洋公園(02255)股價周一(18日)急瀉約30%後中途停牌，停牌前傳出香港中旅(00308)有意入股海昌，股價突然暴跌可能係入股呢件事有變，海昌今早(21日)復牌，股價大幅反彈，高開近10%，一度見高位0.63元，升幅一度擴大至逾38%，其後升幅收窄。
集團發通告指，已跟1家產業基金訂立無法律約束力嘅條款清單，有可能會發1億美元可換股債券(CB)，又話換股價會有較高溢價，呢間基金更可能成為主要股股東，並加入董事局，但新投資者身份及實際溢價幅度仍未披露，通告僅稱係文旅板塊有布局嘅公司，因此，股價衝高後獲利壓力亦較大。
海昌股價今日反彈，迫近大跌前水平，成交亦增加，半日成交金額已逾3億元，成交股數逾5億股，未來要留意引入新股東及新資金嘅消息，最終能否成事係左右股價表現嘅關鍵因素。
