【Now財經台】截至早上11時止，1小時內《彭博》用戶關注度上升最多港股，依次為快手(01024)、康方生物(09926)、新世界發展(00017)、融創中國(01918)、美高梅中國(02282)。
快手上季業績符預期，但第4季業績表現被睇淡，拖累股價今日(21日)大跌，一度急瀉近13%，中央之前已推出唔少政策救市，見到10零售增長已遠超預期，係咩原因導致快手業績後大冧價？
椽盛資本投資總監曾永堅指，快手出業績前已經炒起，所以績後反應唔大，加上商品交易總額(GMV)及用戶增長規模等預測，都令市場擔心第4季增長放緩，即使中央喺9月底連環出招，市場亦期望會帶來突破，不過，「雙11」銷售冇預期咁好。睇返快手估值，預測市盈率(PE)約12倍，相信股價喺約46元有較大支持，亦唔排除資金會喺呢個位補貨。
