【Now財經台】美團(03690)宣布斥資10億人仔啟動餐飲商家助力行動，支持餐飲業嘅優質商家創新發展，近期美團股價以橫行為主，今朝(21日)反覆向下，熱門CALL普遍價外約30%，比較短身，槓桿約5倍，行使價應該點揀好？
法興銀行證券上市產品銷售部董事周翰宏指，美團走勢喺ATM之中較強，亦係唯一可以企喺50天線樓上，近期成交唔算多，資金傾向揀234元至275元嘅價外條款，但以上次高位217元計，行使價275元就太價外，即使業績好，都唔適宜太進取，最好揀盡量貼近上次高位，即220元至230元，或者同現價相差約30%。
Horace又指，如果做中長線部署，年期最好揀4至5個月以上，若部署業績，可以揀3至4個月到期呢類較進取條款，但要留意股價短線有冇足夠上升動力。
