【Now財經台】第四範式(06682)公布上季營運數據之後，股價和成交量齊升，首3季收入按年增長26%，毛利增約12%，主打嘅人工智能(AI)平台按年更增長50%，屬於企業用AI嘅第四範式，呢個業務增速合唔合理？
紅蟻資本投資總監李澤銘指，單睇國內，企業用AI嘅業務增速係算合理，如果係海外嘅相同平台，增速會再快啲，係同企業AI使用比例轉變有關，海外嘅使用比例高過國內，相信短線嚟講第四範式可以維持高增長，但就較難賺錢。
佢解釋，海外和第四範式相同類型嘅公司做上游AI平台都冇乜錢賺，除非係直接做硬件例如台積電(TSMC)之類，雖然上游AI平台賺唔到錢，但未來仍有資本投入，因為市場規模仍然大，同業都會爭生意，所以會鬥快投入資源。
