【Now財經台】唔少香港人鍾意食日本牛丼飯，包括好早已進軍香港嘅吉野家，近年又有Sukiya，分店仲愈開愈多，喺加風四起下，牛丼飯都有可能加埋一份。
據日本放送協會(NHK)報道，Sukiya母公司Zensho控股話，由於當地米價創歷史新高，公司一直選用嘅「越光」及「一見鍾情」等國產米，由於價格升唔停，逼於無奈要加價，加幅介乎逾3%至逾6%，今次係集團今年第2次加價，上一次加價係今年4月。
睇返Sukiya香港官網，本港都係用「越光」米，所以香港都有機會加價，依家最平嘅細牛丼飯賣25元，假設加價5%，都只係加1.25元，其實都應該「唔係好覺」。
